Psikomotrizitate saioa:
· ADINA: 4-5 urte.
· MATERIALA:
· Esterilak.
· Hiru txerrikumeen ipuina.
· Koltsonetak.
· Folioak eta margoak.
· DENBORA: 30 minutuko saioa gutxi gorabehera.
· ESPAZIOA: Kanpoan edota oztoporik gabeko gune
zabala.
· HELBURUAK:
-
Motrizitate lodia lantzea.
-
Motrizitate fina lantzea.
-
Arreta lantzea.
-
Harremanak sustatzea.
-
Espazio-nozioak lantzea (goian, behean).
-
Gorputzaren koordinazio eta
kontrola lortzea.
-
Elkarbizitza arautzen duten
funtsezko arauak barneratzea eta gizarte-trebetasunak lantzea.
-
Nahiak eta sentimenduak
adierazteko eta aukera komunikatiboak zabaltzeko adierazpen forma desberdinak
erabiltzea.
-
Inguruko pertsonak adierazten
dizkioten mezuak eta mugak ulertzea.
-
Afektibitatea lantzea.
-
Sozializazioa lantzea.
-
Ondo pasatzea.
-
Besteeganako errespetua lantzea.
-
Oreka lantzea.
-
Jolas sinbolikoa lantzea.
-
Mina hartzearen beldurra ekiditzea.
· HASIERA ERRITUALA:
Lehenengoz, hasiera errituala
egiteko, espazioko txoko konkretu batean esterilak kokatuko ditugu haurrak eta
hezitzailea, biribilean jesarriz. Denak eserita eta eroso gaudenean,
hezitzaileak, haurrak gogoetara bultzatuko ditu, galdera batzuk planteatuz;
Nola sentitzen zarete? Pozik zaudete? Nekatuta?...Ondoren hiru txerrikumeen
ipuinari buruz zer dakiten galdetuko die. Galdera honen erantzuna aprobetsatuz,
hezitzaileak bertako protagonistei buruzko gogoeta egingo du haurrekin
elkarreraginean.Honen bidez ipuinaren laburpen txiki bat egiten saiatuko gara
guztion artean.
· GARAPENA:
Ipuineko protagonistan aintzat
hartuz, jarduera azalduko da:
Jarduerarekin
hasi aurretik, hezitzaileak espazioan zehar koltxonetak sakabanatuko ditu.
Taldeko
haur batek otsoaren papera hartuko du eta gainontzekoak, txerrikumeak izango
dira.
Lehendabizi,
txerrikume guztiak espazioan zehar banatuko dira eta otsoak ez harrapatzea
izango da hauen helburua. Salbu egoteko, hezitzaileak lehenago jarritako
koltxonetetara igo beharko dira “gora-gora” esanez. Hala ere, otsoak
“behera-behera” esaten badu, txerrikumek, koltxonetatik jeitsi eta beste
koltxoneta batera igo beharko dira otsoak ez harrapatzeko. Horrela otsoak ere, norbait
harrapatzeko aukera izango du. Hala izanez gero, harrapatutako txerrikumeak,
otsoaren papera beteko du.Horrela ihardungo dute hezitzaileak eten arte.
· ERLAJAZIOA:
Haurrak, biribilean jesarriko dira
esterila gainean eta hauetariko bat, korroaren erdian kokatuko txerriarena
egingo duelarik. Honek, txerria imitatuko du, soinu eta keinuen bidez. Honek,
etxeren bat aurkitu nahi duenean, taldekideren baten aurrean kokatuko da
txerriaren soinuak ateraz. Gelakideak, laztandu eta besarkatu egingo du “txerri
gaixoa” esanez. Hau gertatzean, paperak aldatuko dituzte txerria zena, etxean
geldituz eta etxean zegoenak, txerriaren papera hartuz.
·ADIERAZPENA:
Haurrak biribilean jarriko dira,
hezitzaileak haur bakoitzari folio bana banatuko die eta margoak jarriko ditu
eskuragarri. Haurrek, marrazki baten bidez, saioan zehar bizi izandako
esparientziak adieraziko dituzte.
· AMAIERA ERRITUALA:
Saioari amaiera emateko, hasiera
erritualeko leku berberean kokatuko dira esterila gainean, biribilean jesarriz.
Amaiera erritual hau egiteko, adierazpenean egindako marrazkiez baliatuko gara honen
bidez, saioan bizi izandako emozio, sentimendu… adieraziz. Honen bidez saioari
bukaera emango diogu.
· EBALUAZIO IRIZPIDEAK:
-
Goia eta behea identifikatzen dituen ala ez.
-
Arauak errespetatzen dituen ala ez.
-
Arreta mantentzeko gai den ala ez.
-
Motibatuta dagoen ala ez.
-
Beste haurrekin
harreman egokia izan duen ala ez.
-
Txandak errespetatzen dituen ala ez.
-
Beraien sentimenduak adierazteko gai den ala ez.
-
Imitatzeko gaitasuna duen ala ez.
No hay comentarios:
Publicar un comentario